የቦሌ ክፍለ ከተማ በአዲስ አበባ ከተማ ከሚገኙት አሥራ አንድ ክፍለ ከተሞች አንዱ ነው። ክፍለ ከተማው የአዲስ አበባችን ዓለም አቀፋዊ በር፣ የኢትዮጵያ ኩራት የሆነው ብሔራዊ አየር መንገዳችንን ጨምሮ የበርካታ ታላላቅ ተቋማት መቀመጫ፣ ኤምባሲዎች፣ ዓለም አቀፍና አህጉራዊ ድርጅቶች የሚገኙበት፣ የከተማችን የዘመናዊነት ማሳያ እና ኅብራዊነት ደምቆ የሚታይበት ነው። 6,371 ሄክታር የቆዳ ስፋት ያለው የቦሌ ክፍለ ከተማ በአሥራ አንድ ወረዳዎች የተዋቀረ ሲሆን፣ የነዋሪው ሕዝብ ብዛት 308,995 ነው። የክፍለ ከተማችን አስተዳደር ለነዋሪው ኅብረተሰብ የሚሰጠውን አገልግሎት በማሻሻልና በማዘመን የሕዝብን እርካታ ለማሳደግ በየደረጃው በትጋት እየሠራ ሲሆን፣ በክፍለ ከተማችን በምታገኙት አገልግሎት እርካታችሁን ከፍ ለማድረግ በርትተን የምንሠራ መሆኑን ለማረጋገጥ እወዳለሁ።